العدد الثالث من نشرة مجتمع سلة 🗞️

سلة.. مستقبل التجارة · 2026-04-30T10:06:00.164Z

العدد الثالث من نشرة مجتمع سلة 🗞️ ياهلا بـتاجرنا المشمّر💪 كم مرة عدت عليك جملة " التسويق بالمحتوى " وسويت نفسك ماتشوفها، لأن غالبًا تعرف كلمة التسويق والمحتوى لكن لو اندمجوا كيف بيصيرون وايش معناهم. ف يظل السؤال: كيف تفرق استراتيجية التسويق بالمحتوى، وكيف نقدر ننشئها لعلامتنا وهل هي مجزية؟💸 أسئلة كثير، إجابتها في هذه النشرة. بأقل من 5 دقائق، بـنسافر معك لرحلة سريعة تساعدك تبدأ باعتماد هذه الاستراتيجية بطريقة ناجحة. ودائمًا نقول: استثمر في الاستراتيجيات بعيدة المدى لأن نتائجها مستدامة، ماتتقارن بالترندات أو الهبات اللي تختفي بسرعة. ايش يعني التسويق بالمحتوى؟🗣️ بكل بساطة إنك تسوّق لمنتجك بدون ما تبيعه بشكل مباشر، بأسلوب جذاب، ممتع، قيّم من خلال: توضيح فوائده إيصال الشعور بعد امتلاكه كيف ممكن يفرق في حياة العميل بهذا الأسلوب، أنت تستهدف تحويل المشاهد إلى عميل، وتبني علاقة معه بأسلوبك الخاص بـتسويق المنتج طيب كيف ابدأ بـهذه الاستراتيجية 🧐 أول خطوة: افهم شخصية عميلك كأنه صاحبك اسئلة سريعة، أجوبتها بتفيدك: مين عميلك؟ ايش يحب؟ كيف يفكّر؟ وايش يقنعه أكثر؟ وإذا ما عندك إجابات واضحة، نروح للخطوة الثانية: ثاني خطوة: ابدأ جرّب ✅️ اختبر أكثر من نوع محتوى ويسمى هذا الأسلوب بـ (A/B Testing) نوعين مختلفة من المحتوى، وضروري تكون عارف وين يكمن الاختلاف، ثم تبدأ تنشرهم وتلاحظ ردة فعل الجمهور عليهم الأثنين. وتعتمد اللي نتيجته كانت أفضل عرفت النسخة الناجحة من المحتوى؟ 🎊 الآن دور الخطوة الثالثة: بناء الثقة 🤝🏻 بداية بالاستراتيجية مو معناته مبيعات مستمرة بدايتك بالاستراتيجية هو وقتك المثالي لـبناء الثقة والسمعة عن العلامة لأن كل ما زادت ثقة العميل فيك صار قرار الشراء أسهل ثم ننتقل للخطوة الرابعة: السرد القصصي 🧠 المحتوى اللي ينجح مايكون إعلان مباشر، هو سرد قصصي لـمشكلة معينة حلّها منتجك، بأسلوب عفوي وصادق نصيحة: ابتعد عن المبالغة أو الكذب في التسويق بالمحتوى، لأن الثقة أهم من أي نتيجة سريعة الخطوة الخامسة: اختيار المنصة 🔎 مجالك عناية أو أزياء؟ أكيد ماراح تنشر على منصة لينكدن مثلًا! ولأن مو كل منصة تناسب كل المجالات، اختر منصة أو اثنين تركز عليهم بالمحتوى وتماشى مع خوارزميات المنصة عشان تضمن وصول محتواك للجمهور المستهدف الخطوة ماقبل الأخيرة والأساس :عميلك ما يحب التشتيت 🫵 وجّه عميلك بالفعل اللي مفترض يسويه، نهاية كل إعلان قله بوضوح: ايش تبغاه يسوي؟ ( اطلب الآن – شوف العروض – جرّب.. ) وأخيرًا الخطوة السادسة: الاستمرارية ♾️ النتائج ماتجي من أول مرة لكن مع الاستمرار، بتلاحظ الفرق في التفاعل في فهمك لعميلك وفي مبيعاتك ولا تنسى: تعليقات عملاءك كنز يمكن ماتنتبه له، استغلها وطور منها لأنها جات من باب إحتياج الخلاصة صناعة المحتوى التسويقي مو مجرد خطوة هي استراتيجية ممتعة قبل تكون منفعة تختصر عليك فهم العميل وتساعدك توصل له بطريقة أذكى 🗝️ ومع الاستمرارية راح تلاحظ الفرق في نتائج مبيعاتك وفهمك لعميلك استمر في صناعة محتوى: أصيل، قيّم، نافع خلك بالصورة 🚨 ويبنار: استراتيجيات المحتوى الإبداعي لموسم ناجح مع اعلانات سلة و سناب شات نتناقش فيها عن: مبادئ المحتوى اللي يبيع الإبداع كمحرّك للمبيعات إطار الثواني الأولى للإعلان عناصر الإعلان الناجح نظام بناء وتحسين الإعلانات توحيد الرسالة بين الإعلان و صفحة المنتج ربط الأداء الإعلاني بالنتائج 📅 الحق التسجيل: https://event.webinarjam.com/o1zz1l/register/72mm21fk8 سؤال النشرة🙋♂️ أي نوع محتوى يفرق في قرار الشراء عند عميلك؟ تجربة العميل الحقيقية شرح واضح للمنتج عرض أو خصم مقارنة قبل/بعد المحتوى التفاعلي غير ذلك (شاركنا تجربتك) شاركنا إجابتك في التعليقات 👇

حاتم السلمي

نشرات بريدية

Active 7 months ago

Featured

نشرة مجتمع سلة - قريبًا

نشرة مجتمع سلة عبارة عن نشرة تجمع موضوع معين يفيدك كتجار مع اهم الأخبار والأحداث القادمة ومع هدايا وخصومات سرية بيننا وبينكم 🤫.شاركنا موضوع حاب نتعمق فيه في النشرة القادمة في التعليقات👇👇👇

124

سلة.. مستقبل التجارة

نشرات بريدية

Active 4 months ago

Featured

النشرة الثانية: كيف تجهز متجرك لموسم العيد؟🎊

العدد الثاني من نشرة مجتمع سلة 🚀ياهلا بالتاجر المشمّر 👋وصلنا لمنتصف رمضان، وداخلين على موسم أكبر " العيد السعيد "، يعني موجة جديدة من التجهيزات قربت، والسؤال هل بدأت تجهيز متجرك؟هنا بعض النصائح الذهبية تساعدك تستغل موسم العيد⭐:راجع مخزون منتجاتك وتأكد من توفر الأكثر طلبًا خلالRead more..

325

Ahmed

تسويق ونمو

Active 4 months ago

مبيعات من غير ولا ريال اعلانات ! 35.600 ريال بدون اعلانات

من 3 شهور تواصل معايا احد الاخوة بخصوص العمل عليه في جانب تحسين محركات البحثو في فترة 3 شهور اشتغلنا علي الاقسام والمنتجات و المقالات لحد موصل معدل الطلب + 400%من بحث جوجل فقط او حابب تحول مبيعات متجرك 360 درجة تواصل معانا ولو حابب تشوف الأرقام دي علي الطبيعة تعالا واتأكد بنفسك و بأسعارRead more..

مح

محمد

محتاج فزعتكم

Active 3 months ago

الثيم مب جالس يتفعل مع اني نشرته

الثيم رائد مب جالس يتفعل مع اني نشرته

Merchant Groups

Basket Partners

Salla team

Important links